((تاج السعادة))
أكتر تاج هافتخر بية فى حياتى لأنة اول تاج يجيلى
وان شاء الله هارد علية بمنتهى الصدق
وأول حاجة عاوزة أعملها قبل مارد على التاج
انى أشكر أخويا ((ابن مصر))على تمريرة للتاج دة ليا
كفاية مقدمات بقة كدة وندخل فى الجد..وربنا يستر احم احم
السؤال الأول:ماهى السعادة من وجهة نظرك؟
السعادة من وجهة نظرى احساس رائع يمر بالناس فى حياتهم قد يمر عليهم كثيرا أو قليلا لأسباب عديدة لكن لحظات السعادة الحقيقية هى فى رضا الله سبحانة وتعالى
السؤال التانى:كيف تصل الى السعادة؟
اصل اليها حينما اكون قريبة من الله اتضرع الية فيسمعنى وأدعوة فيستجيب لى نعم هذة هى السعادة الحقيقية
السؤال الثالث:هل السعادة وهم ام انها حلم صعب؟
لأ السعادة مش وهم وبرضة السعادة مش حلم صعب لأن الانسان اللى عاوز يوصل للسعادة أكيد هايوصلها
السؤال الرابع:هل السعادة طريق للنجاح؟ وضح؟
نعم السعادة طريق للنجاح لأن الانسان اللى عندة كل مقومات النجاح بس مش سعيد مستحيل أنه يحقق النجاح دة ولو حققة مش هايحس بطعمة لأنة انسان اتعود على التعاسة طول حياتة
السؤال الخامس:ماهى أكثر اللحظات التى شعرت فيها بالسعادة؟
كتيييييييييير بحس بالسعادة لكن أكتر اللحظات لما حسيت انى دخلت السعادة لقلب طفل كان محروم منها طول حياتة فعلا حسيت احساس أكتر من رائع ياريت تحسوة
السؤال السادس:هل يمكن أن تحقق كل شىء؟
أكيد لأ مستحيل هاقدر أحقق كل حاجة انا عاوزاها فى حياتى لكن لو انا حاولت بجد أحقق حاجة هاقدر أحقق حاجة لكن مش كل حاجة
السؤال السابع:السعادة تجعلك تقبل على الحياة ام لا؟
أكيد طبعا..لأنى لما بابقى سعيدة بحس انى أقوى وان مافيش قوة فى الأرض تقدر تهزنى او تضعفنى
السؤال الثامن:هل أحسست يوما انك وصلت لقمة السعادة؟
أيوة حسيت قبل كدة انى وصلت لقمة السعادة لكن دى يمكن بتبقى حالات نادرة اوى فى حياتنا
السؤال التاسع:لماذا تمر أوقات السعادة بسرعة؟
لأ أوقات السعادة مايتمرش بسرعة ولا حاجة يمكن احنا اللى بنحس كدة لأن الحزن فى حياتنا أكترمن السعادة لكن فيه سعادة فى حياتنا وانا متأكدة من كدة
السؤال العاشر:هل ترى السعادة فى التدين؟
أكيد طبعا القرب من ربنا هوة أصل السعادة
السؤال الحادى عشر:هل انت متفائل وعندك أمل؟وضح؟
أكيد طبعا انا باكرة التشاؤم وعندى أمل كبييييييييير ولو ماكنش كدة ماكنتش سميت مدونتى ((عندى أمل)) ههههههههه
السؤال الثانى عشر:اذا شعرت بالحزن ماذا تفعل؟
عاوز الصراحة انا باقعد أعيط وادعى ربنا انة يخرجنى من مود الكآبة دة لأنى باكرة الحزن من كل قلبى
السؤال الثالث عشر:هل يستمر الحزن معك فترة أم ينقضى فى الحال؟
لأ الحمد لله انا الحزن معايا مابيطولش لأنى باستعين بربنا سبحانة وتعالى لما بابقى حزينة وربنا بيعيننى انى أتخلص من حزنى بسرعة
السؤال الرابع عشر:مارأيك فى الأفراد المتشائمين؟
انا أكتر حاجة باكرهها فى حياتى هية التشاؤم علشان كدة باتمنى ان كل الناس اللى حاسين انهم يئسو او اتشائمو من حياتهم يحاولو انهم يتغيرو بجد لأنهم بكدة بيهدمو سعادتهم
ياااااااااااااااااااااااااااااااااة مش معقول خلصت اجابات بجد مش مصدقة نفسى بقالى ساعة قاعدة باكتب..بس باتمنى بعد كل دة تعبى مايرحش هدر وانى أكون وفقت فى اجاباتى
نروح بقة لآخر حاجة فى التاج ((الاهدائات)) بمعنى أصح التدبيسات
انا باهدى التاج دة ل
عبدالله حسنى..طب لية كدة
خديجة محسن.. انا مسلمة
مريم ربيع.. مالها الدنيا ومالنا
احمد خالد.. امير الهدوء
خالو أحمد..Dahabxp
رنا..انى احبكم فى الله
خالتو اميمة..صلاح واصلاح
خديجة عبدالله..لا للسكوت
احمد رأفت..mr.monshed
23 اللى شرفونى:
طبعا اول تعليق
بجد اجابة جميلة ورائعة والله يسامحك علي التدبيس ده بس يله هعامل ايه بس ممكن تسيبلي فرصة واحله اسبوع علي لاقل
mr.monshed
طبعا يافندم خد الوقت اللى حضرتك عاوزة..دة والله شرف ليا انك بس تدخل مدونتى وجزاك الله خيرا
السلام عليكم
ما شاء الله يا روح الاسلام
اجابات جميله
تسلمى
طالبة الفردوس
جزاكى الله خيرا
على مرورك على مدونتى
وتسلميلى ياجميل
اجابات رااااااائعة ماشاء الله ومتشكرين ع التدبيسة :):)
عجبتنى اوى اجابة رقم 5
اجابات ماشاء الله قيّمة
دمتى بخير
3abdallah 7osny
جزاك الله خيرا يافندم على استلامك للتاج واجابتك علية وجزاك الله خيرا برضة على انك مشرفنى فى كل مواضيعى وان حضرتك من اهم المتابعين للمدونة
ياعبدالله بالنسبة بقة للتدبيسة
اذا ماكنتش يعنى أدبسكو انتو
هادبس مين ماهو لازم حد يتعذب
معايا وماعلش بقة هية
لزقت فيكو المرة دى هههههههه
ايوه لازم الللى تدبسى فيه تدبسى غيرك فييييه
على حسب القول
(اللى تحبه بنفسك حبه لغيرك)
ههههههههههههههههههههههههه
جمييل اجاباتك ممكن اغش بقى الاجابات
امل السلام
ههههههه عيب يامريم الغش حرام
((وباعدبن لو أ:عبدالستار لو قفشك
وانتى بتغشى مش هايحصل طيب)) ههههه
حلى بمجهودك يابنت هوة انتو مابتمشوش
غير بالعين الحمرا ولا اية ههههههه
ايه الشغل الجامد ده ياهنود
مدونتك ماشاء الله جميلة جدا
ربنا يبارك فيكى ياجميل
ابقى شرفينا بمدونتى
الاء
ربنا يخليكى ليا ياقمر
وانتى أول لما قولتيلى انا شفت
مدونتك وماشاء الله هية أكتر من رائعة
وباتمنالك مزيد من التقدم والنجاح
بسم الله ماشاء الله ايه يا جميل الشغل الجامد ده .. نصيحة سطبي برنامج الانتى حسد كويس ...ربنا يحميكى يارب
ايه ده أنا اسمى مكتوب :(
شكرا يا عسل علي التدبيسة الحلوة بتاعتك وووحشتينى جدا
دعواتك سلااااااااااااام
أسأل الله أن يتم عليكم السعادة
د.حماس
السلام عليكم
...................................
أيوة يا عم المدونات الجميلة دي ربنا يعينكو مدونتنا متجيش حاجة جمبكم
...................................
والسلام عليكم أخوكم أحمد ×_× المغترب
...................................
هههههه...... بهزر
خديجة عبدالله
وأخيرا خديجة فى مدونتى اولا جزاكى الله
خيرا يادوجة على مرورك لمدونتى وبجد
أسعدنى تعليقك جدا وأسعدنى أكتر ان
المدونة عجبتك وأتمنى انى أفضل عند حسن
ظنك..وعلى فكرة انا مابدبسش الا
الناس اللى انا بحبهم وباحترمهم
dr.hamas
جزاك الله خيرا يافندم وان شاء الله يتم
السعادة علينا وعلى حضرتك وعلى كل المسلمين
بحلم بحلم لو عاد الاسلام
ياااااااااة يا أحمد فينك من زمان
يابنى مختفى كدة لية على العموم جزاك
اللة خيرا على التعليق الجميل دة
وعاوزة أقوللك بالعكس انت مدونتك
جميلة جدا وبالذات الموضوع بتاع
الغربة دة جميل أوى وكلماتة مؤثرة جدا تسلم ايدك
السلام عليكم
انا طبعا جاى علشان اعتزر انا دخلت من فتره وقريت التاج ولكن انا توقعت انى علقت عليه ويظهر انه مش حصل
طبعا كان لازم اكون اول المعلقين
بشكرك جدا لقبول التاج ويشرفنى انى اكون اول من يرسل لكى اول تاج
شكرا ليكى واسف للتأخير وارجوا دعواتك لى بالنصر على من يظلمنى
لكى كل تقديرى اختى الغاليه
son of egypt
لأ أبدا يافندم تعتذر على اية دة انا اللى المفروض أشكرك على التاج..وان شاء الله ربنا هاينصرك وهايقويك على كل اللى يعاديك ان شاء الله
السلام عليكم
مدونة جميلة و إجابات جميلة
ربنا يبارك فيك ، و ينفع بك
تحياتي
أحمد كمال
جزاك الله خيرا لمرورك على مدونتى
وعلى الكلام الجميل دة
اية بس الجابات النار دى بس يا نودى
بس ولله الاسألة برضو حلوة تسلة اديكى يا عسل على الاجابات الهايلة دى
وتسلميلى يا قمر...
شهيدة الاسلام
ميرسى أوى يا جميل على الكلام الرقيق
دة وميرسى أوى على مرورك على مدونتى
وألف ألف ألف مبروك على المدونة
واتنفعى وتغيرى بيها ناس كتير ان شاء الله
إرسال تعليق