CLICK HERE FOR BLOGGER TEMPLATES AND MYSPACE LAYOUTS »

الثلاثاء، 7 أبريل 2009

ماذا تكون؟؟



اهى قوة ان تستطيع ان ترسم على شفتيك ابتسامة وقلبك تنزف جراحة؟!!!..

اهى قوة ان تستطيع ان تضحك ملامح وجهك وعيناك مليئة بالدموع؟....

اهى قوة....ام سخرية من القدر....

اهى ابتسامة...ام خنجر تطعنة انت بداخلك ليدمى قلبك...

اهى قوة...ام اعجوبة ان يجمع وجهك بين النقيضين تضحك ويدمى قلبك...

تضحك وينحدر دمعك بمجرد انتهاء الضحكة او حتى من قبل ان ينتهى صداها من حولك.....

اهى قوة...

أم حماقة...

أم سخرية...

أم جنون...

أم ماذا؟؟!!!

12 اللى شرفونى:

Soul.o0o.Whisper يقول...

السلام عليكم و رحمة الله و بركاته

هلا بالجميل

معلش أتأخرت عليكى
بس عاوزة أقولك
ان اللى أنتى حكتيه دا
بالنسبة لى قوة
و صبر
و يقين

نفسى فعلا لما الحياة غصب عنى تخرج دموعى
احفرلها ملامح الفرح على وشى
نفسى لما تجرح فى قلبى قوى .. توسع ابتسامتى على اد جرحى

مش عارفة
بس باحس انى اقوى

يمكن لما باقعد بينى و بين نفسى
باحس بضعفى
بس ارفض انى اكون ضعيفة قدام حد
و ان كانت الحياة نفسها


دمتى بود يا جميلة
و بلاش تعيشى جرحك و تستسلمى له

sara draz يقول...

الصراحة يا نودى الموضوع ده بيكون صعب اوى
بالذات لما يكون مع اقرب الاصحاب
بس قوليلى مالك شكلك ...متضايقة
الصراحة الموقف ده فى رأيى بيبقى قمة فى القوة بس بعديها الانسان لما بيكون لوحده بيبقى فى قمة الضعف
ومش بيلاقى اللى يواسيه لانه مش بيكون عايز يجرح حد قريب منه ويقوله
بس على الاقل لازم يكون فى شخص قريب منه اوى يحكيله على كل حاجة
ومش شرط يكون حد من صحابه ممكن يكون حد من اسرته
ويكفى ان يستعين بالله
وتحياتى اليكى
وتسلمين

امل الاسلام يقول...

اولا زعلانه انك مش قلتيلى على انك نزلتى موضوع
ثانيا....
على فكرة بيبقى الموضوع كلة مش حكاية قوة او ضعف
ممكن تكون بيعمل كده عشان نثبت نفسينا
او بنضحك عشان مش نشيّّّّّّل حد همنا
او اننا مش لاقين حد نلجأله او نحكيله أو ما الى ذلك
وعلى فكرة
الواحد بيكون فى الموقف ده فى قمة اليأس لانك بتحس ان مافيش حد حاسس بيكى او مهتم بيكى او حتة محسسك ان انتى مش فى الدنيا لوحدك
لانه لو حاسس بيكى كان عرف ان الضحكة دى مزيفه
ديما كده كلكوا بتتكوا على الجرح جاااامد
كل مانحاول ان احنا ندارية او نداوية
تيجوا انتوا تفتحوا على القديم
انتوا بتنتقموا ولا ايه
والله ده انا غلبانه اهئ اهئ اهئ*مش قوى يعنى*
ههههههههههه*برضك ضحكنا فى الاخر*
معلش انى طولت انا عارفه نفسك تطولينى دلوقتى

مملكة الهدوء يقول...

اممم شكل حضرتك متضايقه
لكن انا متأكد إن بكره هيكون أحلى
لأن مدونتك وإختيارك للإسم هو عندي أمل

الحزن و الضيق او حتى الغضب
شئ بيخفي كل ملامح الحياه
وبيبني لصاحبه سجن

علشان كده حاوللي تتغلبي على كل ده
لان الحياه أكبر بكتييييير

^_^

Unknown يقول...

http://www.facebook.com/topic.php?topic=8073&post=33089&uid=86447686494#/group.php?gid=86447686494 كلنا ايد واحده ضد الظاهره اللا اخلاقيه ضد التحرش وقفةالسبت 18 ابريل قدام جامعة الزقازيق وقفة سلميه بنطالب بحقنا فى شارع آمن مين معايا دعوه لكل شاب يتمنى اخته تمشى بامان كل بنت نفسها تعيش بأمان
السبت اتمنى تحضريه
اكيد انتى معانا
كلنا ايد واحده

لؤلؤة الاسلام يقول...

السلام عليكم اتزيك يا نودى

وحشتينى اوى يا قمر
و البوست جامد

و انا من رايى ان ده غااااية في القوة
و قوة جادمه اوى كمان

بس ردو اللى يكتم في نفسة اوى كده اكيد بيتاثر و بعد شوية هيسام


و تحياتى

مفتكس يقول...

ما شاء الله اسلوب رائع فى الكتابة جميل جدا

طبعا قوة وقوة كبيرة جدا شكرا اختى الكريمة

Abdallah Hosni يقول...

هو قوة...فى مواقف ومواقف مثلا اذا حصل ليك شئ انت شخصيا وتريد الاتخبر من حولك به فتبتسم فى وجوهم ولكن قلبك يدمى

هى حماقة..ايضا فى مواقف اخرى ان يموت احد المقربين اليك مثلا وانت تبتسم للآخرين ولكن قلبك يدمى

هى سخرية..اذا كنت تحب احد حب لا مثيل له وهو زعلك فى حاجة فتبتسم فى وجه دون ان تخبره بالحقيقة ولكن قلبك يدمي

هو جنون..اذا كثر نزيف القلب فلا تجد سوى رسم الابتسامة

فلكى ان تختارى اى منهم فكل حاجة وليها مواقفها

موضوع ممتاز ياروح الاسلام..عنوان المدونة عندى امل :)

ahmeD elsaDany يقول...

بل هى قوة وشجاعة

le moi :D يقول...

رائع لقد اعجبت بهذا الاحساس
انا يمنى ياسر و ارجوا ان تمري على مدونتي :
www.yomna-ema.blogspot.com

ولاء يقول...

السلام عليكم ورحمة الله وبركاته
بد\اية انا سعيده جدا لزيارة مدونتك وبجد مبسوطه اننا طلعنا ذى مابيقولوا بلديات
بصى هى فى رأيى مش قوة انى اخبى مشاعرى واخفى ضعفى والحقيقه انه بالفعل موجود وده مش معناه برده انتى اتعامل مع الناس بالضعف ده بس اعترف بيه واعترف كمان انى مجروحه ومكسورة واقوى نفسى بنفسى لكن كتمان الجرح وجع لا يقارن بوجع امتثال القوة الغير موجوده بالفعل
ده رايىى
ويشرفنى ويسعدنى اننا نكون اصدقاء وتشرفينى فى مدونتى

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us