ماذا تكون؟؟

اهى قوة ان تستطيع ان ترسم على شفتيك ابتسامة وقلبك تنزف جراحة؟!!!..

اهى قوة ان تستطيع ان تضحك ملامح وجهك وعيناك مليئة بالدموع؟....

اهى قوة....ام سخرية من القدر....

اهى ابتسامة...ام خنجر تطعنة انت بداخلك ليدمى قلبك...

اهى قوة...ام اعجوبة ان يجمع وجهك بين النقيضين تضحك ويدمى قلبك...

تضحك وينحدر دمعك بمجرد انتهاء الضحكة او حتى من قبل ان ينتهى صداها من حولك.....

اهى قوة...

أم حماقة...

أم سخرية...

أم جنون...

أم ماذا؟؟!!!

قالو..فقلنا..على رأى المثل

جبتلكو بقة شوية أمثلة قديمة والأمثلة بتاعة شباب اليومين دول

وانتو بقة احكمو انهو أجمد؟؟

باتمنى تعجبكم

قالو:من طلب العلا سهر الليالى

قلنا:من طلب العلا يتفضل فى كبينة 4

قالو:اللى بيتة من ازاز ميحدفش الناس بالطوب

قلنا:اللى بيتة من ازاز مايغيرش هدومة فى الصالون

قالو:فاقد الشىء لايعطية

قلنا:فاقد الشىء يدور علية

قالو:اقلب القدرة على فمها تطلع البنت لامها

قلنا:اقلب القدرةعلى فمها يقع الفول منها

قالو:اللى ياكل لوحدة يزور

قلنا:اللى ياكل لواحدة يشبع

قالو:ياخبر النهاردة بفلوس بكرة يبقى ببلاش

قلنا:ياخبر النهاردة بفلوس بكرة ينزل علية اوكازيون

قالو:لاتبكى على اللبن المسكوب

قلنا:لاتبكى على اللبن فى البسكوت

قالو:رجعت ريما لعادتها القديمة

قلنا:رجعت ريما من عند خالتها فى مارينا

قالو:المركب اللى فيها ريسين تغرق

قلنا:المركب اللى فيها ريسين يلعبو طاولة

قالو:قالو للحرامى احلف قال جالك الفرج

قلنا:قالو للحرامى احلف قال وحياة قلبى وأفراحة

قالو:قال ياقاعدين يكفيكو شر الجايين

قلنا:قال يامحششين يكفيكو شر الكمين

قالو:اللى مايشفش من الغربال يبقى أعمى

قلنا:اللى مايشفش من الغربال يكشف نظر

قالو:الباب اللى يجيلك منة الريح سدة واستريح

قلنا:الباب اللى يجيلك منة الريح شيلة وركب قبنورى

قالو:رب صدفة خير من ألف ميعاد

قلنا:رب صدفة خير من ألف ليلة وليلة

هاه اية رأيكو بقة دلوقتى احنا ولا هما؟؟

لماذا يجب أن نحبة؟؟وكيف؟؟

لأنه أعظم البشر

ولأنه الرحمة المهداه

ولأنه النور الذى أخرجنا الله به من الظلمات الى النور

ولأنه شفيعنا يوم القيامة

ولأنه بالمؤمنين رؤوف رحيم

لأنة من بذل وجاهد وتحمل من أجل ان تصلنا رسالة الاسلام

لأنه أحمد المحمود فى الأرض والسماء

ولأنه يحبنا

حق علينا ان نحبه

ونتذكره دائما وان نعتز بانتمائنا اليه.

نحبه...بأن نقتدى به.

نحبه....بأن نحب من أحبة ونعادى من عاداه.

نحبه....بأن نطبق سنتة.

نحبه....بأن نكثر من الصلاة والسلام علية.

نحبه....بأن نعمل لنصرة الدين الذى جاء به.

محمد صلى الله عليه وسلم

فى ذكرى مولده

هيا لنقول له نحبك

من أجمل ماقرأت

الجمل دى من أجمل الحاجات اللى قرأتها فأنا حاولت انى اجمعها كلها فى بوست وأنزلها على المدونة وباتمنى بجد انها تعجبكم اسيبكم بقة معاها

اذا لم تعلم اين تذهب فكل الطرق تفى بالغرض

ليس الشديد من غلب الناس انما الشديد من غلب نفسة

عندما تحب عدوك يحس بتفاهتة

اذا طعنت من الخلف فاعلم انك فى المقدمة

الصبر على كتمان السر أيسر من الندامة على افشائة

الكلام اللين يغلب الحق البين

كلنا كالقمر له جانب مظلم

المهزوم اذا ابتسم أفقد المنتصر لذة الفوز

مالا ينبغى ان تفعلة احذر ان يخطر ببالك

الجزع عند المصيبة مصيبة أخرى

الابتسامة كلمة معروفة من غير حروف

الذى يولد يزحف لايستطيع ان يطير

اللسان الطويل دلالة على اليد القصيرة

نحن نحب الماضى لأنة ذهب ولو عاد لكرهناه

الفشل فى التخطيط يقود الى التخطيط للفشل

شق طريقك بابتسامتك خير لك من أن تشقه بسيفك

لاتبكى على من لايبكى عليك

الحمد لله..عندنا باب!!

القصة دى انا بحبها جدا وكنت نزلتها فى منتدى قبل كدة ومن كتر حبى ليها قلت انزلها فى المدونة علشان انتو كمان تشوفوها وتقولولى رأيكو وباتمنى انها تعجبكو زى ماعجبتنى

كانت هناك حجرة صغيرة فوق سطح احد المنازل، عاشت فيها ارملة فقيرة مع طفلها الصغير حياةمتواضعة فى ظروف صعبة لكن أكثر ماكان يزعج الأم هو سقوط الأمطار فى فصل الشتاء..فالغرفة كانت عبارة عن اربعة جدران، وبها باب خشبى. غير انها ليس لها سقف وكان قد مر على الطفل اربعة سنوات منذ ولادتة لم تتعرض المدينة خلالها الا لزخات قليلة وضعيفة من الأمطار،الا انة ذات يوم تجمعت الغيوم وامتلأت سماء المدينة بالسحب الداكنة ومع ساعات الليل الاولى هطل المطر بغزارة على المدينة كلها، فاحتمى الجميع فى منازلهم، اما الأرملة والطفل فكان عليهم مواجهه موقف عصيب. نظر الطفل الى امه نظرة حائرة واندس فى احضانها، لكن جسد الاممع ثيابها كان غارقا فى البلل اسرعت الأم الى باب الغرفة فخلعته ووضعته مائلا على احد الجدران وخبأت طفلها خلف الباب لتحجب عنة سيل المطر المنهمر فنظر الطفل الى امه فى سعادة بريئة وقد علت على وجهه ابتسامة الرضا وقال لأمة:

ماذا يا ترى يفعل الناس الفقراء الذين ليس عندهم باب حين يسقط المطر؟؟؟!!

نعم.....ما أجمل الرضا

اعرف عدوك!!

المرة دى بقة راجعالكو بنكتة شفتها فى موقع من مواقع النكات الأمريكية

وأنا هاقولهالكو مش بس من باب الضحك لكن برضة من باب اعرف عدوك

نبتدى بقة

بيقوللك اية

ماذا لو وقعت ذبابة فى فنجان القهوة الخاص بك؟؟!!

اذا كنت انجليزيا:فستلقى بكوب القهوة وتغادر المقهى.

واذا كنت أمريكيا:فانك ستخرج الحشرة من القهوة وتشرب القهوة.

أما اذا كنت صينيا:فانك ستأكل الحشرة وتلقى بالقهوة.

أما الصومالى الجائع:فانة سيشرب القهوة ويأكل الحشرة.

أما الاسرائيلى فسيكون رد فعلة مختلفا:

1-سيبيع القهوة الى الأمريكان والحشرة الى الصينيين.

2-يجمع كل وسائل الاعلام ويصيح:ان أمنة أصبح معرضا للخطر.

3-سيتهم الفلسطينيين بالقاء الحشرة فى قهوتة.

4-سيدعى ان الارهابيين يساعدون هذه الهجمات عن طريق حشرات الدمار الشامل.

5-يطلب من السلطة الفلسطينية ان تقوم فورا بمنع الحشرات من الطيران فى الهواء أو الهبوط فى أكواب القهوة.

6- يعيد اليهود احتلال قطاع غزة ويهدمون البيوت ويقطعون امدادات المياة والكهرباء.

7-يفرض على الولايات المتحدة تقديم المزيد من المعونة العسكرية.

8-يطلب قرض بقيمة 50مليار دولار لفترة 100سنة وبدون فوائد من الولايات المتحدة لشراء كوب آخر من القهوة.

9-يطلب من صاحب المقهى أن يسمح لة بشرب القهوة مجانا فى مقهاة مدى الحياة على سبيل التعويض.

10-وأخيرا يقف ليتهم العالم كلة بأنة وقف يتفرج علية ولم يحزن لما أصابة مع أنة انسان مسالم كان يجلس فى حالة ليشرب أول فنجان قهوة فى حياتة!!!

free gaza

الى أهل غزة

نعم انتم الرجال الحقيقيون

لأنكم انتم وحدكم تصدون هذة الضربة الصهيونية الحمقاء

وهذا العدوان الاسرائيلى الغاشم

فاصبرو واحتسبو فان الله مع الصابرين

وأن الله قد وعد عبادة المخلصين بالنصر

نعم انتم منصورون باذن الله فاصبرو

ونحن معكم بكل ما أوتينا من قوة

وبكل الوسائل والطرق التى نقدر عليها

وكلنا ايمان بأن غزة ستكون حرة قريبا

الى رؤساء العرب

أولا غزة تحت الحصار

فماذا فعلتم؟؟

ثانيا غزة فى ظلام دامس

فماذا فعلتم؟؟

ثالثا غزة يموت أهلها جوعا

فماذا فعلتم؟؟

والآن أهل غزة يموتون ويسحقون ويحرقون

فماذا ستفعلون؟؟

كنت أسأل نفسى هذا السؤال

وكنت أظن انكم ستفعلون شيئا هذة المرة

لأننى كنت أظن مخطئة أنكم لديكم شيئا من الضمير

ولكن مع شديد الأسف مثل كل مرة

خيبتم أملى

وأمل شعوبكم وآمال أهل غزة فيكم

فالآن أقول لكم

اذا لم يستيقظ ضميركم

فاعلمو ان الله سبحانة وتعالى يمهل ولا يهمل

وأن دعاء كل أم استشهد طفلها وكل طفل فقد عائلتة

سوف يكون كابوسا يملأ حياتكم

فاحذروا لأنكم هالكون لا محالة

الى الشعوب

كنت سمعت قبل ذلك عن مقولة قالها بون جوريون رئيس وزارة العدو الاسرائيلى السابق تقول

((نحن لم نهزم العرب ولو مرة واحدة ولكنهم يهزمون أنفسهم أمامنا فى كل مرة))

نعم لقد صدق فى هذا القول

فنحن من نذل أنفسنا لأننا نخاف حتى من قول الحقيقة

ولأننا لسنا أمة واحدة وعندما نصبح أمة واحدة

أعدكم بأننا سنكون أقوى شعوب العالم

لماذا نستسلم للوحدة؟؟

قد تكون

الوحدة كتابا مطالب أن تقرأ فية كل سطر

وقد تكون

بناءا مطالب أن تبنى انت سقفة

ولكن!!

ليس على حساب أن تهدم بنيان حياتك

وتمزق كتب سعادتك لتقرأكتاب الوحدة

فتنعزل عن غيرك وحيدا بائسا

لتخرج بعد ذلك

لترى أصحابك عاشوا ونجحو فى حياتهم

وبنو ماكان بامكانك ان تفعلة

وأنت...

فى نقطة البداية!!

عندها لا تقل الوقت قد سرقك

بل انت من سرقت الوقت

والسبب؟؟

استسلامك للوحدة

((نصيحة))

اذا احتضنتك الوحدة يوما

فلا تجعلها صاحبا لك كل يوم

حتى وان تلوثت حياتك بالهموم

ليكن شعارك ((غدا أفضل))

عيد سعييييييييييييييييد

ازيكو بجد وحشتونى انا متأكدة انكو بتقولو دلوقتى وحشناها مين بس

دى كل اسبوعين منزلة موضوع لحد مازهقتنا لكن بجد بتوحشونى اوى

وطبعا كان مستحيل أسيب مناسبة زى دى من غير ما أهنيكو بيها

و أقولكو كل سنة وانتو طيبين كلللللللللللللللللللللللكو

ويارب ربنا يعودة عليكو بالخير كل سنة وان شاء الله العيد الجاى يكون

أحسن وأحسن ليا وليكو ولكل العرب والمسلمين ان شاء الله

((كل عام وانتم من الله أقرب وعلى الطاعة أدوم والى الخير أسبق))

وعيد سعيييييييييد

وأخيرا أول تاااااااااااااااااااج

((تاج السعادة))

أكتر تاج هافتخر بية فى حياتى لأنة اول تاج يجيلى

وان شاء الله هارد علية بمنتهى الصدق

وأول حاجة عاوزة أعملها قبل مارد على التاج

انى أشكر أخويا ((ابن مصر))على تمريرة للتاج دة ليا

كفاية مقدمات بقة كدة وندخل فى الجد..وربنا يستر احم احم

السؤال الأول:ماهى السعادة من وجهة نظرك؟

السعادة من وجهة نظرى احساس رائع يمر بالناس فى حياتهم قد يمر عليهم كثيرا أو قليلا لأسباب عديدة لكن لحظات السعادة الحقيقية هى فى رضا الله سبحانة وتعالى

السؤال التانى:كيف تصل الى السعادة؟

اصل اليها حينما اكون قريبة من الله اتضرع الية فيسمعنى وأدعوة فيستجيب لى نعم هذة هى السعادة الحقيقية

السؤال الثالث:هل السعادة وهم ام انها حلم صعب؟

لأ السعادة مش وهم وبرضة السعادة مش حلم صعب لأن الانسان اللى عاوز يوصل للسعادة أكيد هايوصلها

السؤال الرابع:هل السعادة طريق للنجاح؟ وضح؟

نعم السعادة طريق للنجاح لأن الانسان اللى عندة كل مقومات النجاح بس مش سعيد مستحيل أنه يحقق النجاح دة ولو حققة مش هايحس بطعمة لأنة انسان اتعود على التعاسة طول حياتة

السؤال الخامس:ماهى أكثر اللحظات التى شعرت فيها بالسعادة؟

كتيييييييييير بحس بالسعادة لكن أكتر اللحظات لما حسيت انى دخلت السعادة لقلب طفل كان محروم منها طول حياتة فعلا حسيت احساس أكتر من رائع ياريت تحسوة

السؤال السادس:هل يمكن أن تحقق كل شىء؟

أكيد لأ مستحيل هاقدر أحقق كل حاجة انا عاوزاها فى حياتى لكن لو انا حاولت بجد أحقق حاجة هاقدر أحقق حاجة لكن مش كل حاجة

السؤال السابع:السعادة تجعلك تقبل على الحياة ام لا؟

أكيد طبعا..لأنى لما بابقى سعيدة بحس انى أقوى وان مافيش قوة فى الأرض تقدر تهزنى او تضعفنى

السؤال الثامن:هل أحسست يوما انك وصلت لقمة السعادة؟

أيوة حسيت قبل كدة انى وصلت لقمة السعادة لكن دى يمكن بتبقى حالات نادرة اوى فى حياتنا

السؤال التاسع:لماذا تمر أوقات السعادة بسرعة؟

لأ أوقات السعادة مايتمرش بسرعة ولا حاجة يمكن احنا اللى بنحس كدة لأن الحزن فى حياتنا أكترمن السعادة لكن فيه سعادة فى حياتنا وانا متأكدة من كدة

السؤال العاشر:هل ترى السعادة فى التدين؟

أكيد طبعا القرب من ربنا هوة أصل السعادة

السؤال الحادى عشر:هل انت متفائل وعندك أمل؟وضح؟

أكيد طبعا انا باكرة التشاؤم وعندى أمل كبييييييييير ولو ماكنش كدة ماكنتش سميت مدونتى ((عندى أمل)) ههههههههه

السؤال الثانى عشر:اذا شعرت بالحزن ماذا تفعل؟

عاوز الصراحة انا باقعد أعيط وادعى ربنا انة يخرجنى من مود الكآبة دة لأنى باكرة الحزن من كل قلبى

السؤال الثالث عشر:هل يستمر الحزن معك فترة أم ينقضى فى الحال؟

لأ الحمد لله انا الحزن معايا مابيطولش لأنى باستعين بربنا سبحانة وتعالى لما بابقى حزينة وربنا بيعيننى انى أتخلص من حزنى بسرعة

السؤال الرابع عشر:مارأيك فى الأفراد المتشائمين؟

انا أكتر حاجة باكرهها فى حياتى هية التشاؤم علشان كدة باتمنى ان كل الناس اللى حاسين انهم يئسو او اتشائمو من حياتهم يحاولو انهم يتغيرو بجد لأنهم بكدة بيهدمو سعادتهم

ياااااااااااااااااااااااااااااااااة مش معقول خلصت اجابات بجد مش مصدقة نفسى بقالى ساعة قاعدة باكتب..بس باتمنى بعد كل دة تعبى مايرحش هدر وانى أكون وفقت فى اجاباتى

نروح بقة لآخر حاجة فى التاج ((الاهدائات)) بمعنى أصح التدبيسات

انا باهدى التاج دة ل

عبدالله حسنى..طب لية كدة

خديجة محسن.. انا مسلمة

مريم ربيع.. مالها الدنيا ومالنا

احمد خالد.. امير الهدوء

خالو أحمد..Dahabxp

رنا..انى احبكم فى الله

خالتو اميمة..صلاح واصلاح

خديجة عبدالله..لا للسكوت

احمد رأفت..mr.monshed

من سيقول لا؟؟؟

هل فكرت يوما ان تقول:لا

ان قول:"لا"هذة المرة يدفعك للنجاح،ويحفزك لصنع مستقبلك!

اذن قلها ولا تخف

قلها لنفسك مرارا

واكتبها..وعلقها على جدار حجرتك

قل:لا.لكل الاشياء السلبية فى حياتك

ارفع رايتك مكتوب عليها:

"لا"للتدخين

"لا"لأصدقاء السوء

"لا"للفشل الدراسى

"لا"لكل شىء سلبى فى حياتى

"لا"لكل مايغضب الله عز وجل

كلمة "لا" هذة المرة لها طعم خاص،وحلاوة تجد أثرها فى سلوكياتك وأفعالك.

فتغير من شخصيتك وجوهرك

بهذة الكلمة:ترضى ربك وتسعد نفسك وغيرك

ستعيش حياة سعيدة بلا سلبية

حياة تكاد تكون خالية من الأخطاء لأنك تقول لا للخطأ

فقلها... ولا تخف

الحرية تسأل؟؟...فهل من مجيب

ممكن تحسو ان العنوان غريب شوية لكن

أيوة الحرية بتسأل بس ياترى هية بتسأل بتقول اية؟؟

متهيألى انتو اللى هاتستنتجو السؤال لما تقرو الموضوع دة

اسيبكم بقة مع الموضوع..

اخبرنا استاذى يوما**عن شىء يدعى الحرية

فسألت الأستاذ بلطف**ان يتكلم بالعربية

ما هذا اللفظ وماتعنى**وأية شىء حرية

هل هى مصطلح يونانى**عن بعض الحقب الزمنية

أم اشياء نستوردها**أم مصنوعات وطنية

فأجاب معلمنا حزنا**وانساب الدمع بعفوية

قد أنسوكم كل التاريخ**وكل القيم العلوية

أسفى ان تخرج أجيال**لا تعرف معنى الحرية

لا تملك سيفا او قلما**لا تحمل فكرا وهوية

وعلمت بموت مدرسنا**فى الزنزانات الفردية

فنذرت لأن احيانى الله**وكانت بالعمر بقية

لأجوب الأرض بأكملها**بحثا عن معنى الحرية

وقصدت نوادى أمتنا**أسألهم اين الحرية

فتوارو عن بصى هلعا**وكأن قنابل ذرية

ستفجر فوق رؤوسهم**وتبيد جميع البشرية

وأتى رجل يسعى وجلا**وحكا همسا وبسرية

أحرف كلماتك شوكية

هذا رجس هذا شرك**فى دين دعاة الوطنية

ارحل فتراب مدينتنا**يحوى آذانا مخفية

تسمع مالا يحكى أبدا**وترى قصصا بوليسية

واختتم النصح بقولتة**وبلهجتة التحذيرية

لم أسمع شيئا لم أركم**ما كنا نذكر حرية

هل تفهم؟عندى أطفال**كفراخ الطير البرية

متهيألى انتو استنتجتو السؤال كدة..

وللى ماعرفهوش السؤال هوة

..

..

..

..

..
..

الحرية تسأل اين انا؟؟؟!!!!

ماذا تعلمت؟

الحياة مدرسه تعلم الجميع فماذا تعلمت؟؟؟؟

**تعلمت انة فى سنوات الدراسة اتعلم الدروس ثم اواجة الامتحانات...اما فى الحياة فأنى اواجة الامتحانات ثم اتعلم الدروس

**تعلمت انه لايهم اين انا الان...ولكن المهم الى اين أتجة فى هذة اللحظة

**تعلمت انه خير لى ان أكون كالسلحفاة فى الطريق الصحيح...خير لى من أن اكون غزالا فى الطريق الخطأ

**تعلمت ان الناس ينسون السرعة التى أنجزت بها عملى...ولكنهم يتذكرون نوعية هذا الانجاز

**تعلمت انه يوجد كثيرون يحصلون على النصيحة...القلة فقط يستفيدون منها

**تعلمت ان هناك اناسا يسبحون بانجاة السفينة...وهناك اناسا يضيعون وقتهم بانتظارها

**تعلمت ان هناك فرقا كبيرا بين التراجع...والهروب

**تعلمت انة يجب على ان أحلم بالنجوم...ولكن فى نفس الوقت لا أنسى ان قدمى على الأرض

**تعلمت انة عندما أضحك يضحك لى العالم...وعندما أبكى أبكى وحدى

**تعلمت انة من أجمل الاحاسيس...هو الشعور بأنى قمت بالعمل الصحيح حتى لو عادانى العالم أجمع

**تعلمت انة اذا لم أجد شيئا أموت من أجلة...فانه لن يكون لى شيئا أعيش من أجلة

((دة كان أول موضوع واستنونى ان شاء الله فى باقى المواضيع))

واخيرا رجعتلكو تانى

(ياااااااااااة انا بجد مش مصدقة نفسى ..معقول انا قاعدة على النت تانى)

الحكاية وما فيها ان الكمبيوتر عندنا كان بايظ خالص

وبابا ماكانش ناوى يصلحة الا فى اجازة اخر السنة

علشان مذاكرتى وكدة يعنى بس طبعا وبعد الحاح شديد كل يوم ..

بابا اخيرا وافق انة يصلح الكمبيوتر

والله بجد انتو ماتتوقعوش انا كنت متدايقة قد اية وكل

لما تيجى مناسبة اقول ياااااة فينها المدونة دلوقتى

ويا سلام بقة لما اقعد افكر كدة وييجى فى بالى

موضوع بابقى هاتجنن واكتبة

كل الكلام دة مش مهم المهم ان روح الاسلام رجعت تانى

وطبعا مش راجعة فاضية كدة

انا راجعة ومعايا مجموعة مواضيع

قاعدة بفكرلكو فيها طول فترة غيابى دى

على العموم استنونى

ويارب المواضيع الجديدة تعجبكم..

احاسيس مؤلمة..جدا

اى انسان لية ضمير بيحس كتييير اوى ان ضميرة بيوجعة علشان حاجات معينة عملها وانا عندى ليكو شوية احاسيس مؤلمة اوى ماهايحسش بيها الا الانسان اللى عندة ضمير بجد..وان شاء الله تعجبكم

إحساس مؤلم .. أن يطول البعاد عن الله سبحانه و تعالى
إحساس مؤلم .. أن يخونني لساني لحظة الموت ولا ينطق بالشهادتين
إحساس مؤلم..ألا استطيع أن أجيب على سؤال الملكين في القبر
إحساس مؤلم..أن يقول الله لي يوم القيامة: عبدي استهونت بلقائي؟
إحساس مؤلم..ألا نكون من الفائزين يوم القيامة
إحساس مؤلم..أن يقول لنا النبي يوم القيامة....سحقا سحقاً
إحساس مؤلم..أن نتكلم عن فنان بالساعات ولا نستطيع أن نتكلم عن الله وقدرته لمدة خمس دقائق
إحساس مؤلم..أن نرى شبابنا يقلدالغرب تقليد أعمى وينسى الرسول صلى الله عليه وسلم
إحساس مؤلم..أن ينتهي الامتحان و تسحب منى ورقة الإجابة وأنا لم اكتب فيها شيئا
إحساس مؤلم..عندما نهجر سنة النبي صلى الله عليه و سلم فتصبح حياتنا فارغة
إحساس مؤلم..عندما يقبل الله تعالى الكثير من عباده ويفتح لهم باب التوبة وارفض أن أرجع إلى الله
احساس مؤلم..أن تخلو البيوت من التدين و طاعة الله وان تمتلئ بالخلافات نتيجة للبعد عن الله
إحساس مؤلم..ألا نربى أولادنا على الدين ونرمى بهم في جهنم ونحن لا ندري
إحساس مؤلم..أن يضيع عمري ولا اعرف المهمة التي خلقني الله من اجلها
إحساس مؤلم..ألا يكون هدفنا الأساسي هو إرضاء الله و دخول الجنة
إحساس مؤلم..أن نركب القطار ولا ندرك أننا حتما سننـزل منه فى محطة ما
إحساس مؤلم..ألا يكون حب الإسلام و الغيرة على الدين يجرى في دمي وفي عروقي
إحساس مؤلم..أن يغفرالله و يرحم و يسامح و يعفو ونحن في إصرار على المعصية
إحساس مؤلم..أن ترى اهلك و أصحابك في بعد عن الله وانت غير قادر على ان تنصحهم

إحساس مؤلم..أن يموت احد والدي و هوغاضب علي

هاه اية رأيكم؟؟؟؟

كلام منى ليكو..

كلمات تمس القلب !!!

إذا كنت في صلاة فاحفــــظ قلبك .

وإذا كنت في مجلس الناس فاحفظ لسانك

.وإذا كنت في بيوت الناس فاحفظ بصرك

.وإذا كنت على الطعــام فاحفظ معدتك

.واثــنــتـــان لا تذكرهمـــا أبدأ

:إســـــــــــــاءة الناس إليك.....وإحسانك للناس ....

إعلــم !!!

:ليس غير الله يبقى ..من علا فالله أعلى ..

اعلم رعاك الله ..أنه من عاش مات ..

ومن مات فات ..وكل ما هو آتٍ آت ..

أروع الكلمات !!!

أروع كلمة هي كلمة تستشعر من خلالها بأن روحك خاشعة ودمعتك هادرة على وجنتيك وتقولها بيد مرفوعة

هى كلمة::يــــــا رب ::

أحن كلمة تسمعها تنبعث منها المحبة وصدق الإحساس الذي لا تجده بمكان آخر عندما تخرج تلامس كل حنان العالم

هى كلمة:: أمـــــــــــــي ::

أقرب كلمة إلى قلبك هي ما تداعب قلبك بكل صدق وتشعربقرب الدفء والمشاعر عند قولها وسماعها

هى كلمة:: أخـــتي / أخــــي ::

أصعب لحظة عندما تسمع عن إنسان تحبه مريض ويحتاجك ولا تستطيع قربه وتقف بيد مكتوفة دون حيلة ولا بلسانك كلمة سوى

:: الله يشـــفيه ::

أسوأ لحظة تكون بفرح وسعادة وتتبادل الابتسامات والكلمات وتسمع بخبر وفاة قريب من قلبك فلا تجد إلا دمعة حارقة وكلمة

:: رحمـــــــه الله ::

اتمنى ان شوية الكلام دة يكون عجبكو انا عارفة انى رغاية شوية بس يالله بقة مضطررين تستحملونى ههههههههههههه

يااااااااااااة على البنات..

تخيلو لو البنات حكمو العالم هايبقى شكلة اية

انا بقة هاوفر عليكو وأوريكو

العالم هايبقى شكلة عامل ازاى

هههههههههههه لا تعليق

فلسطين اية بالنسبة للشباب؟؟؟

الموقف دة حصل لى قبل كدة وبجد اتدايقت منة جدا...

كنا قاعدين انا وصحابى مع بعض بنتكلم فى مواضيع من رأيي انا مالهاش لازمة المهم فى وسط الكلام كدة دخل موضوع فلسطين واللى بيحصل فى غزة اليومين دول وباعدين واحدة من اللى كانو قاعدين قامت وقالت فلسطين اية بس وقرف اية غيرو الموضوع الواحد مش ناقص نكد..!!!!


انا ساعتها اتدايقت منها جدا وقعدت اقول فى نفسى بقة القضية الفلسطينية بقت بالنسبة للشباب قرف ونكد وابتديت أقلب الموضوع فى دماغى واقول ياترى كل الشباب الايام دى بتفكر فى فلسطين بالمنطق دة ولو كل الشباب بيفكر كدة يبقى احنا فعلا مش من حقنا اننا ننتصر على أعدائنا لأننا مش أمة واحدة كل دولة دلوقتى بتقول طول ما انا عايشة فى سلام خلاص تتحرق اى دولة تانية وللأسف التفكير دة قدرو يزرعوة فينا كويس اوى ....مثلا لما اجى اقول لواحدة صاحبتى المنتج دة مقاطعة تقوللى نفضى يا بنتى مقاطعة مين بس انتى عايشة من القرن اللى فات ولا اية كبرى بقة....سبحان الله بقة الناس دلوقتى ماعدش عندهم ضمير للدرجة دى،،،،خلاص انا كدة خلصت كلامى وانا اسفة اوى انى اكون زعجتكو وقرفتكو بالكلام القديم اللى كل شوية بتسمعوة وزهقتو منة.....بس قبل ماخلص كلام خالص باقوللكو اننا عمرنا ابدا ماهانتقدم ولا هانحرر القدس ولا هانحقق اى حاجة احنا عاوزينها الا لما نبقى ايد واحدة كلنا ونغير طريقة التفكير دى


ولا انتو ليكو رأى تانى انا عاوزة اشوف آراء الشباب ضرورى.

مدونتى..عندى أمل

وأخيرا مدونتى..(عندى أمل)

انا هافضفض وهاتكلم هنا كتير اوى

وعندى أمل كبير

فى ان كلامى دة هايعجبكو ان شاء الله
**************

انتظروووووووووووونى